Dagur umhverfisins

Í tilefni af degi umhverfisins mánudaginn 25. apríl hefur umhverfisnefnd skólans mælst til þess að nemendur skólans taki þátt í fjölbreyttum umhverfisverkefnum inni sem úti undir stjórn umsjónarkennara. Sérstakur útikennsludagur verður fimmtudaginn 29. apríl frá kl. 8.30-9:50 og tengist hann listadögum. Þá verða nemendur sýnilegir við vinnu sína.

Dagur umhverfisins er haldinn á fæðingardegi Sveins Pálssonar, fyrsta íslenska
náttúrufræðingsins og þess manns sem einna fyrstur hvatti til aðgerða gegn
skógareyðingu á Íslandi og orðaði þá hugsun sem nú kallast sjálfbær þróun.

Í mars funduðu deildarstjórar með nemendum í umhverfisnefndinni og komu margar góðar hugmyndir að verkefnum og umræðupunktum frá þeim:

• Útíkennsla
• Ratleikur
• Hjólatúr
• Vefrallý
• Horfa á heimildaþátt/fræðslumynd
• Útileikjadagur
• Íþróttadagur
• Umferðadagur

Umræðupunktar:

• Hvað er hrein orka?
• Hvernig get ég nýtt hreina orku?
• Orkan og ég?
• Hvaða orkugjafar gætu komið til í framtíðinni?
• Loftgæði í næsta nágrenni mínu? Hvenig má bæta loftgæði við skólann minn?
• Áhrif loftslagsbreytinga