Fyrsti skóladagurinn hjá 1. bekk

Mikil spenna og eftirvænting fylgir yfirleitt fyrsta skóladeginum. Nemendur í 1. bekk mættu á sólríkum og fallegum degi með skólatöskurnar sínar fullir tilhlökkunar og tilbúnir að takast á við nýtt umhverfi og ný verkefni. Það var mikið um að vera fyrsta daginn í Höllinni þar sem bekkjarstofurnar eru, í íþróttahúsinu, á skólalóðinni og í Regnboganum. Allt gekk vel fyrir sig eins og sést á meðfylgjandi myndum á myndasíðu 1. bekkja.