Heim Beint á efnisyfirlit síðunnar

Sérkennari óskast til starfa í Hofsstaðaskóla skólaárið 2018-2019

13.04.2018

Í Hofsstaðaskóla eru 560 nemendur í 1. - 7. bekk og þar starfa um 100 starfsmenn með það að markmiði að hlúa að nemendum bæði námslega og félagslega og koma til móts við áhuga þeirra og getu. Í skólanum fer fram fjölbreytt og metnaðarfullt starf sem er í stöðugri þróun. Læsi skipar stóran sess á báðum skólastigum þar sem áhersla er lögð á lesskilning og ritun. Kennsluhættir eru fjölbreyttir og vellíðan nemenda í fyrirrúmi í anda skólastefnu Garðabæjar. Þjónusta við nemendur með sérþarfir er öflug. Síðastliðin ár hafa ýmis þróunarverkefni verið unnin í skólanum s.s. um markmiðsetningu, námsmat, stærðfræði, íslensku, upplýsingatækni o.fl. Vel er búið að nemendum og starfsmönnum og er öll aðstaða í skólanum til fyrirmyndar.

Við skólann starfa menntaðir sérkennarar og þroskaþjálfar, auk deildarstjóra í sérkennslu.

Umsækjendur þurfa að geta kennt nemendum í 1.-7. bekk og nýbúum. Um er að ræða 100% starf til eins árs.

Nánari upplýsingar um skólann má finna á heimasíðunni www.hofsstadaskoli.is

Helstu verkefni og ábyrgð:

  • Að hafa umsjón með námshópum
  • Að vera leiðtogi í námi nemenda
  • Að stuðla að velferð nemenda
  • Að vera í samstarfi við foreldra
  • Að taka þátt í þróun skólastarfsins
  • Að vinna með umsjónarkennurum og öðrum sérfræðingum

Hæfniskröfur:  

  • Kennari með leyfisbréf til kennslu í grunnskóla
  • Framhaldsnám í sérkennslu æskilegt
  • Góð samskipta- og skipulagsfærni
  • Áhugi á samvinnu og teymiskennslu
  • Faglegur metnaður og ánægja af starfi með börnum
  • Frumkvæði og jákvæðni gagnvart skólaþróun
  • Góð færni í upplýsingatækni og vinnu með tölvur og spjaldtölvur


Umsóknarfrestur er framlengdur til 30. apríl 2018.


Nánari upplýsingar um starfið veita
Margrét Harðardóttir skólastjóri í síma 820-8590

eða með því að senda tölvupóst á margreth@hofsstadaskoli.is og Hafdís Bára Kristmundsdóttir aðstoðarskólastjóri í síma 617-1591 eða með því að senda tölvupóst á netfangið hafdis@hofsstadaskoli.is

 

Launakjör eru samkvæmt kjarasamningi Sambands íslenskra sveitarfélaga og Kennarasambands Íslands.

Áhugasamir einstaklingar án tillits til kyns eru hvattir til að sækja um.

Umsækjendur eru beðnir um að sækja um rafrænt á heimasíðu Garðabæjar www.gardabaer.is.

Umsóknum skal fylgja ítarleg starfsferilskrá.

Til baka
English
Hafðu samband