Heim Beint á efnisyfirlit síðunnar

Þroskaþjálfi óskast til starfa í Hofsstaðaskóla

13.04.2018
Í Hofsstaðaskóla eru 560 nemendur í 1. - 7. bekk og þar starfa um 100 starfsmenn með það að markmiði að hlúa að nemendum bæði námslega og félagslega og koma til móts við áhuga þeirra og getu. Tveir þroskaþjálfar starfa við skólann en okkur vantar þann þriðja næsta skólaár.

Í skólanum fer fram fjölbreytt og metnaðarfullt starf sem er í stöðugri þróun. Læsi skipar stóran sess á báðum skólastigum þar sem áhersla er lögð á lesskilning og ritun. Kennsluhættir eru fjölbreyttir og vellíðan nemenda í fyrirrúmi í anda skólastefnu Garðabæjar. Þjónusta við nemendur með sérþarfir er öflug. Síðastliðin ár hafa ýmis þróunarverkefni verið unnin í skólanum s.s. um markmiðsetningu, námsmat, stærðfræði, íslensku, upplýsingatækni o.fl.

Vel er búið að nemendum og starfsmönnum og er öll aðstaða í skólanum til fyrirmyndar.

Nánari upplýsingar um skólann má finna á heimasíðunni www.hofsstadaskoli.is


Helstu verkefni og ábyrgð:
Vinna með nemendum með mikil frávik eða fatlanir
Vinna í samvinnu við fagfólk í skólanum
Vera í samstarfi við foreldra
Útbúa einstaklingsáætlanir
Taka þátt í þróun skólastarfsins


Hæfniskröfur:
Leyfisbréf til að starfa sem þroskaþjálfi
Góð samskipta- og skipulagsfærni
Reynsla af skólastarfi eða öðru starfi með börnum æskileg
Þekking á helstu leiðum í vinnu með nemendur með fatlanir

Umsóknarfrestur er til og með 30. apríl 2018. Starfið er laust frá 1. ágúst 2018.


Nánari upplýsingar um starfið veita Margrét Harðardóttir skólastjóri í síma 820-8590 eða með því að senda tölvupóst á margreth@hofsstadaskoli.is og Margrét Einarsdóttir deildarstjóri sérkennslu margretei@hofsstadaskoli.is.

Launakjör eru samkvæmt kjarasamningi Sambands íslenskra sveitarfélaga og Þroskaþjálfafélags Íslands.

Áhugasamir einstaklingar, án tillits til kyns, eru hvattir til að sækja um.

Umsækjendur eru beðnir um að sækja um rafrænt á heimasíðu Garðabæjar www.gardabaer.is. Umsóknum skal fylgja ítarleg starfsferilskrá.
Til baka
English
Hafðu samband