Heim Beint á efnisyfirlit síðunnar

Stuðningsfulltrúi skólaárið 2019-2020

27.03.2019

Hofsstaðaskóli auglýsir eftir stuðningsfulltrúa í 75% - 100% starf. Vinnutími er frá kl. 8:00-14:00/16.15. Hluti vinnutíma í 100% starfi er í tómstundaheimilinu Regnboganum.

Í Hofsstaðaskóla eru 590 nemendur í 1. - 7. bekk og þar starfa um 100 starfsmenn með það að markmiði að hlúa að nemendum námslega og félagslega og koma til móts við áhuga þeirra og getu. Vel er búið að nemendum og starfsmönnum og öll aðstaða í skólanum er til fyrirmyndar.

Í skólanum fer fram metnaðarfullt starf sem er í stöðugri þróun. Kennsluhættir eru fjölbreyttir og vellíðan nemenda í fyrirrúmi í anda skólastefnu Garðabæjar. Læsi skipar stóran sess og áhersla er lögð á lesskilning og ritun. Þjónusta við nemendur með sérþarfir er öflug. Síðastliðin ár hafa ýmis þróunarverkefni verið unnin í skólanum s.s. um leiðbeinandi kennsluhætti, skýra markmiðssetningu, vellíðan og hugleiðslu, námsmat, stærðfræði, íslensku, upplýsingatækni o.fl. Unnið er að innleiðingu Uppeldis til ábyrgðar.

Nánari upplýsingar um skólann má finna á vefsíðunni www.hofsstadaskoli.is

Reynsla og hæfni:

  • Reynsla af starfi með börnum
  • Ríkir samstarfs- og samskiptahæfileikar
  • Frumkvæði og sjálfstæð vinnubrögð
  • Dugnaður, jákvæðni, stundvísi og ábyrgðarkennd
  • Reynsla af nemendum með sérþarfir æskileg.
  • Menntun sem nýtist í starfi er kostur

Umsóknarfrestur er til með 10. apríl 2019. Starfið er laust frá 10. ágúst 2019.

Nánari upplýsingar um starfið veita: Hafdís Bára Kristmundsdóttir, aðstoðarskólastjóri netfang: hafdis@hofsstadaskoli.is, Bergljót Vilhjálmsdóttir deildarstjóri sérkennslu, netfang: bergljotv@hofsstadaskoli.is. Símanúmer skólans er 590-8100.

 

Launakjör eru samkvæmt kjarasamningi Sambands íslenskra sveitarfélaga og Starfsmannafélags Garðabæjar STAG.

Áhugasamir einstaklingar, án tillits til kyns eru hvattir til að sækja um.

Umsækjendur eru beðnir um að sækja um rafrænt á vef Garðabæjar www.gardabaer.is.

Umsóknum skal fylgja ítarleg starfsferilskrá. 
Til baka
English
Hafðu samband