Heim Beint á efnisyfirlit síðunnar

Skóladagur nemenda í Hofsstaðaskóla vikuna 30. mars til 3. apríl 2020

27.03.2020
Skóladagur nemenda í Hofsstaðaskóla vikuna 30. mars til 3. apríl 2020

1. bekkur kl. 9.00 - 12.30. Frístundaheimili frá 12.30 - 15.00
2. bekkur kl. 9.30 - 13.00. Frístundaheimili frá kl. 13.00 - 15.00
3. bekkur kl. 9.00 - 12.30
4. bekkur kl. 8.30 - 11.30
5. bekkur kl. 8.30 – 10.15 eða 11.30 - 13.15
6. bekkur kl. 8.45 - 10.45 eða 11.45 - 13.45
7. bekkur kl. 8.30 - 10.30 eða 11.30 - 13.30

Nemendum er skipt í hópa innan árganga og mega ekki færast á milli hópa. Sömu hópar halda sér í frístundaheimilinu. Skólanum er skipt upp í s.k. hólf og fara nemendur og starfsmenn ekki á milli hólfa. Allar stofur, salerni og snertifletir eru vandlega hreinsaðir eftir hvern hóp og reglulega yfir daginn. Spjaldtölvur eru sótthreinsaðar á milli nemenda svo og kennslugögn og leikföng. Hver nemandi er með sín ritföng og passar sitt. Heimavinna í öllum árgöngum er að lágmarki daglegur lestur og eldri nemendur sem eru með styttri viðveru í skólanum fá hófleg heimaverkefni.
Nemendur þurfa að fylgja skýrum reglum inni í skólastofum, halda sig við sitt borð, vera sjálfstæðir í vinnubrögðum og gæta þess að vera ekki utan í öðrum nemendum eða þeirra dóti. Það æfir þá í tillitssemi, þolinmæði og seiglu.
Árgangar hittast ekki í anddyrum. Nemendur eiga ekki vera á göngum eða í öðrum skólastofum.. Í útiveru er þess gætt að ekki séu of margir nemendur á sama svæði í einu og að þeir blandist alls ekki á milli hópa. Kennarar fara reglulega með nemendur í gönguferðir og í útikennslu.
Almannavarnir hafa sett reglur um samgang og leik barna utan skóla. Þær þarf ekki að tíunda hér en eru aðgengilegar á www.covid.is undir flipanum Börn og ungmenni.
Skólastarfið hefur gengið vel miðað við krefjandi aðstæður og allir hafa lagst á eitt. Ein kennsluvika er eftir fram að páskaleyfi og svo veit enginn hver staðan verður eftir páskana. Þökkum foreldrum/forráðamönnum sýnda þolinmæði gagnvart tölvupóstaflóði, skilning á flóknum aðstæðum og takmarkaðri þjónustu ásamt hlýjum orðum í okkar garð.
Góða helgi og góðar stundir.
skólastjóri

Til baka
English
Hafðu samband