Frístundaheimilið Regnboginn

Einkunnarorð Regnbogans eru virðing, vinátta og vellíðan.

Meginhlutverk Regnbogans er að bjóða börnum á aldrinum 6-9 ára innihaldsríkt frístunda- og tómstundastarf í barnvænu og skapandi umhverfi þar sem starfshættir einkennast af frjálsum leik og vali.

Leiðarljós frístundaheimilisins er að bjóða öllum börnum þátttöku í fjölbreyttu frístunda- og tómstundastarfi án aðgreiningar með það að markmiði að efla sjálfstraust og félagsfærni þeirra.

Umhverfi Regnbogans einkennist af öryggi, fagmennsku og virðingu þar sem jákvæð samskipti og lýðræðislegir starfshættir eru í hávegum hafðir í samræmi við Barnasáttmála Sameinuðu þjóðanna

Þjónusta við börn með sérþarfir er skipulögð í hverju frístundaheimili fyrir sig í samvinnu við foreldra, skóla og aðra fagaðila sem tengjast börnunum.

Frístundaheimilið Regnboginn í Hofsstaðaskóla

Umsjónarmaður er  Kristín María Reynisdóttir
Aðstoðarumsjónarmaður er Ari Sverrir Magnússon

Netfang Regnbogans: hofsstadaskoli-fristund@hofsstadaskoli.is