Lög Nemendafélags Hofsstaðaskóla í Garðabæ

1. Félagið heitir Nemendafélag Hofsstaðaskóla. Félagar eru nemendur í Hofsstaðaskóla.
2. Tilgangur félagsins er að vinna að félags-, hagsmuna- og velferðarmálum nemenda skólans.
3. Stjórn félagsins er valin í byrjun skólaárs. Tveir fulltrúar úr hverjum bekk, einn stákur og ein stúlka og einn til vara af hvoru kyni.
4. Nemendur gefa kost á sér og síðan er dregið.
5. Stjórn nemendafélagsins velur fulltrúa nemenda í skólaráð og skal það gert á vorönn.
6. Deildarstjóri eldri deilda og skólastjóri bera ábyrgð á starfsemi Nemendafélagsins og boða til funda a.m.k. þrisvar sinnum á skólaári.
7. Ákvarðanir á fundum er færðar í fundargerð.
   

Markmið nemendafélagsins í skólanum er að þar geti nemendur unnið að félags-, hagsmuna og velferðamálum nemenda og:
• Þroskist félagslega
• Verði hæfari að lifa og starfa í lýðræðisþjóðfélagi
• Geti tjáð skoðanir sínar með eðlilegum hætti og unnið með öðrum að þroskandi viðfangsefnum.
• Árgangafulltrúar komi skoðunum nemenda á framfæri á fundum þó svo að þær stangist á við eigin skoðanir.