Heim Beint á efnisyfirlit síðunnar

Umhverfisstefna Hofsstaðaskóla hefur að markmiði að skólasamfélagið taki höndum saman um að vinna markvisst að umhverfismálum t.d. með því að:

• Auka umhverfisvitund með menntun og verkefnum innan kennslustofu og utan
• Tengja skólann við samfélagið
• Efla samfélagskennd innan skólans
• Styrkja lýðræðisleg vinnubrögð við stjórnun skólans
• Bæta umhverfi skólans,
• Minnka úrgang og notkun á vatni og orku

Í Hofsstaðaskóla er starfrækt umhverfisnefnd sem hefur yfirumsjón með öllu umhverfisstarfi. Hún setur skólanum umhverfisreglur og markmið til að vinna að í umhverfismálum.

Hofsstaðaskóli fékk Grænfánann föstudaginn 16. nóvember 2007 og endurnýjun á honum 2. febrúar 2011. Grænfáninn er umhverfismerki sem nýtur virðingar víða í Evrópu sem tákn um árangursríka fræðslu og umhverfisstefnu í skólum.  Skólinn hefur verið “Skóli á grænni grein” frá árinu 2005 en þá hóf hann þátttöku í alþjóðlegu verkefni sem er hugsað til að auka umhverfismennt og styrkja umhverfisstefnu í skólum. Þeir skólar sem vilja komast á græna grein í umhverfismálum leitast við að stíga skrefin sjö. Þegar því marki er náð fá skólarnir leyfi til að flagga Grænfánanum næstu tvö ár en sú viðurkenning fæst endurnýjuð ef skólarnir halda áfram góðu starfi.

Skrefin sjö eru ákveðin verkefni sem efla vitund nemenda, kennara og annarra starfsmanna skólans um umhverfismál. Verkefnin eru bæði til kennslu í bekk og til að bæta daglegan rekstur skóla. Þau auka þekkingu nemenda og skólafólks og styrkja grunn að því að tekin sé ábyrg afstaða og innleiddar raunhæfar aðgerðir í umhverfismálum skóla. Jafnframt sýnir reynslan í Evrópu að skólar sem taka þátt í verkefninu geta sparað talsvert í rekstri.

 Grænfánann
Skrefin sjö

English
Hafðu samband