Deildarstjóri stoðþjónustu
Deildarstjóri stoðþjónustu
Hofsstaðaskóli auglýsir eftir deildarstjóra stoðþjónustu í fullt starf frá og 1. febrúar 2020 eða eftir samkomulagi.
Hofsstaðaskóli er grunnskóli í Garðabæ. Nemendur eru 588 í 1. – 7. bekk. Leitað er að einstaklingi sem er tilbúinn til að starfa að sveigjanlegu skólastarfi samkvæmt skólastefnu Garðabæjar og áherslum Hofsstaðaskóla. Þær felast í fjölbreyttum kennslu- og námsmatsaðferðum sem koma til móts við þarfir allra nemenda.
Skólastarfið er m.a. byggt á hugmyndafræðinni um „Uppeldi til ábyrgðar – uppbyggingu sjálfsaga“. Skapandi starf, sjálfsstyrking, vellíðan, upplýsingatækni og forritun eru áhersluþættir. Unnið er að ýmsum þróunarverkefnum s.s. leiðbeinandi kennsluháttum, vaxtarhugarfari og hæfnimiðuðu námsmati.
Helstu verkefni og ábyrgð:
- Skipuleggur og stýrir stoðþjónustu skólans.
- Er fagfólki skólans ráðgjafi varðandi námsaðstæður, stuðning og skipulag kennslu.
- Stuðlar að velferð nemenda í samstarfi við foreldra og fagfólk.
- Fylgir eftir gerð einstaklingsnámsskráa og er ráðgefandi aðili við gerð þeirra.
- Vinnur að þróun skólastarfs í samstarfi við aðra stjórnendur og samstarfsfólk.
- Ýtir undir jákvætt viðhorf til skóla margbreytileikans.
- Skipuleggur og verkstýrir stuðningsfulltrúum og vinnur í náinni samvinnu með sálfræðingum, talmeinafræðingum og öðrum sérfræðingum sem koma að málefnum nemenda við skólann.
- Tilfallandi verkefni sem skólastjóri felur viðkomandi.
Menntunar- og hæfniskröfur:
- Leyfisbréf í grunnskólakennarafræðum.
- Framhaldsmenntun í sérkennslufræðum.
- Þroskaþjálfamenntun er kostur.
- Reynsla af skipulagi og sérkennslu.
- Mikill áhugi á að starfa með börnum og ungmennum.
- Uppbyggjandi í samskiptum, ríkur sveigjanleiki og mikil samstarfshæfni.
- Áhugi á að starfa í skapandi og metnaðarfullu umhverfi.
- Góð hæfni í ræðu og riti á íslensku.
Umsóknarfrestur er til 30. desember 2019. Nánari upplýsingar um starfið veitir Hafdís Bára Kristmundsdóttir skólastjóri hafdis@hofsstadaskoli.is og Margrét Einarsdóttir aðstoðarskólastjóri margretei@hofsstadaskoli.is eða í síma 590-8100.
Laun eru samkvæmt kjarasamningi Sambands íslenskra sveitarfélaga og KÍ.