Skólastarf í desember
15.12.2009
![Skólastarf í desember Skólastarf í desember](/library/Images/Myndir-ur-skolastarfinu/2009_2010/1bekkur/Sameiginlegt/Leikhusferd/DSCN2230.jpg?proc=ContentImage)
Þessa síðustu viku fyrir jólaleyfi er helsta markmiðið að eiga rólega og notalega viku. Á miðvikudaginn 16. desember er rauður dagur þar sem allir mæta í rauðu eða með eitthvað rautt. Í mötuneyti nemenda er jólamatur fyrir alla nemendur skólans og snæða starfsmenn með nemendum þennan dag. Á fimmtudaginn verða haldin stofujól og auglýsir hver árgangur með hvaða hætti þau fara fram. Síðasta skóladag fyrir jól, föstudaginn 18. desember, eru hefðbundnar jólaskemmtanir sem byrjað var að undirbúa þegar í lok nóvember. Nemendur mæta í tveimur hópum, yngri og eldri deildir og eiga saman hátíðlega stund og dansa síðan saman í kring um jólatréð. Sjá nánar hér. Skólastarf hefst svo að nýju þriðjudaginn 5. janúar skv. stundaskrá.