Öskudagur Hofsstaðaskóla

Á öskudag 9. mars ætlum við að eiga skemmtilega stund saman í skólanum, starfsfólk og nemendur. Skólastarf hefst kl. 8:30 og lýkur kl. 12:15 að loknum hádegismat og telst því skertur skóladagur. Eins og aðra daga hafa nemendur með sér hollt og gott nesti í morgunhressingu og þeir sem ekki eru í mataráskrift hafa einnig með sér hádegismat. Ath. ekki verður hægt að hita í örbylgjuofni né grilli þennan dag þar sem hluti nemenda borða hádegismat í stofum.
Mælst er til að nemendur mæti í einhvers konar búningi. Vopn sem fylgihlutir við búninga eru leyfð en ekki til að berjast með.

Hefðbundin stundatafla er lögð til hliðar og í staðinn geta nemendur valið á milli ýmissa verkefna.
Syngja á sviði

• Limbó
• Hreyfing í íþróttahúsi
• Öskupokasaumur
• Spákonur
• Grímu- og hattagerð
• Tölvur
• Spil og tafl
• Kubbar
• Perla
• Myndataka
• Diskótek

Foreldrar eru velkomnir í skólann

Regnboginn: Nemendur sem eru alla jafnan í tómstundaheimilinu eftir skóla geta farið þangað kl. 12:15 þegar skóla lýkur. Vinsamlega láta vita í Regnbogann á netfangið gretas@hofsstadaskoli.is ef þið ætlið ekki að nýta ykkur það.


Bestu kveðjur, skólastjórnendur