Samskipti, skýr mörk og samfélagsmiðlar

Þann 16. október fengu nemendur í 6. bekk fræðslu um samfélagsmiðla, samskipti og að setja mörk í samskiptum. Þau Kári Sigurðsson og Andrea Marel sáu um fræðsluna undir nafninu Fokk me – fokk you. Fræðslan byggir á margra ára reynslu af starfi með ungu fólki, samtölum við börn og unglinga, fyrirspurnum, reynslusögum og skjáskotum frá ungmennum. Rætt var um þá þætti sem hafa áhrif á mótun sjálfsmyndar og nemendur vaktir til umhugsunar um hvað það er sem hefur áhrif á okkur frá degi til dags. Farið var inn á mikilvægi virðingar í samskiptum hvort sem um er að ræða samskipti á samfélagsmiðlum eða í eigin persónu. Einnig var talað um að virða sín mörk og annarra, farið yfir algengar birtingarmyndir neikvæðra samskipta, áreitni og ofbeldis á stafrænu formi og bent á leiðir til bregðast við slíku. Þetta viðfangsefni er þarft að ræða við nemendur og kennarar munu gripa boltann og halda umræðunni áfram innan hvers bekkjar.